SHS-J mobanat sa Milo BEST

Ang Sacred Heart School-Jesuit  (SHS-J) naglantaw sa national finals dihang mobanat kini sa MILO Basketball Efficiency Scientific Training (BEST) Regional finals karong adlawa didto sa West Negros College sa Bacolod City.

Ang SHS-J maoy modala sa ngan sa Sugbu sa duha ka dibisyon -- ang Small Basketeers of the Philippines (SBP) ug sa passerelle human sa ilang dobleng kadaugan sa Cebu elimination.

Daku ang paglaum sa SHS-J nga ilang mapukan ang laing duha ka koponan ug maka-represent sa Visayas sa national finals.

Sa miaging tuig, walay nahagdaw ang Cebu human ang University of San Carlos (USC) napakyas sa finals human sa “controversial formula” nga gigamit  pagbuak sa panagtabla sa tulo ka koponan.

Ang SHS-J magsalig ni  Ray Daniel Abbu ang MVP sa Sugbu, uban nilang Adrian Marvin Muller, Anton Araw-araw, Anton Chua, Dave Luy, Xavier Catan, Jarek Mercado, Jurome Saceda, Arc Araw-araw, Beau Fernando, Patrick Go, Alexander Lim, Izak Kiefer Lim, Aaron Sing ug Dave Yu alang sa SBP division.

Sa passerelle division, ang SHS-J maglaum sa abilidad nilang Justin dela Cruz, Alexter Tecson, Gabe Branzuela, Jasper Diaz, Jerry Seno, Joseph Zozobrado, Raymund Mangubat, Rene Sta. Maria, Vann Alicias, Guilbert Purcia Jr., Grelan Tagaloguin, AljunVillarias, Jay dela Cruz, Justin Yu ug Joseph Roma.

Ang defending champion Iloilo mag-agad sa Ateneo de Iloilo sa SBP tournament ug sa Iloilo Commercial Central  High School sa passerelle.

Ang host-Bacolod magsalig sa ilang pambato nga mao ang St. John Institute alang sa SBP ug passerelle divisions.