Team Pacman, RWS nag-una sa 1st MP Cup

Nakabaton na og duha  ka sunod-sunod nga daog ang Team Pacman  ug RWS Stable/AJL Surplus human nila gipilde ang tagsa-tagsa ka kaatbang sa 1st MP Cup Invitational Basketball Tournament niadtong Sabado didto sa University of San Carlos (USC)-main gym, ning siyudad.

Ang Team Pacman ni boxing superstar Manny ‘Pacman’ Pacquiao nagsalig sa ilang solidong duwa sa nanghinapos nga bahin sa fourth quarter aron ilang ma-knockout ang Philippine Farmer’s Bank-Integrated Bar of the Philippines (IBP), 85-75, samtang ang RWS Stable ni  Rex ‘Wakee’ Salud nga maoy mikontrolar sa kumbati gikan sa pagsugod hangtod na sa pagkahuman sa engkuwentro mipukan sa Club Monday, 60-51.

Sa laing duwa, ang MS Motosuit-Unity Basketball Club (UBC) ni sports patron Lou Ornopia nakamaneho sa pag-eskapo gikan sa kulbahinam nga aksiyon human nila gipukan ang House of Hope sa iskor nga 77-75.

 Ang mga batos sa UBC kanunay’ng naggukod ug gani  nabiyaan kini og 14 puntos hangtod nga mihimo kini og makabungog nga rally sa nanghinapos nga bahin sa duwa.

Nakapahinam, kay ang dos puntos nga nadag-an sa UBC maoy una ug bugtong labaw nga ilang natilawan sa maong duwa.

Unang duwa:

Pacman (85) - Pumareja 26, Talas 18, Navarro 11, Gallego 10, Codiñera 7, Ceballos 5, Baclay 4, Rama 3, Gomez 3

IBP (75) - Santiago 21, Bauzon 20, Santos 9, Dilis7, Pepito 6, Dumon 5, Gamallo 5, Bragat 2

 Ikaduhang duwa:

Motosuit-UBC (77) - Bontia 16, Gonzaga 14, R. Gonzaga 13, Castro 9,  Bukiron 7, Arceo 5, Bongo 5, Bontuyan 4, Alia 2, Dicdican 2

House of Hope (75) - De la Cuesta 21, Restauro 20, Amodia 18, Cabbarubias 11, Reyes 1

 Ikatulong duwa:

RWS Stable (60) -  T. Lim 14, Cañares 13, Arienza 10, De la Calzada 9, Que 7, Lim 7, E. Lim 2, Yu 2

Club Monday (51) - Talaver 15, Jumalon 9, Macasero 6, Perez 6, Bantolinao 5, Tabucanon 5, Nepomuceno 3, Sarsaba 2