Ang team Heartvit ni sports patron Jonathan 'Atan' Guardo milansang sa ilang ikalimang daog sa pito ka duwa human nila gipahungawan ang Petrogas sa iskor nga 85-72 sa pagtak-op sa eliminasyon sa 33-below division sa 8th Cebu Eastern College Friendship Cup basketball tournament didto sa CEC gym.
Ang maong kadaugan naghatag sa Heartvit og luna sa "best-of-three" semifinal round uban sa league leader Weathergard, ABC ug Disston Paints.
Wala kaayo batiag kulba ang Heartvit kay ila man nga gidominar ang duwa gikan pa lang sa pagsugod sa engkuwentro.
Ang Heartvit nakabentaha og siyete puntos, 45-38 paghuman sa first half ug sa ilang kaagresibo sa maong duwa miburot ang labaw ug miabot ngadto sa double digits. Gikan niadto, wala na molingi pa ang Heartvit nga makasikit pa hangtod na sa pagkapupos sa oras sa ilang duwa.
Si Bong Eleazar miposte og game-high 25 puntos aron sa pagpangulo sa Heartvit, samtang sila si Segmund Cabrera ug Michael Duran nagkumboya og 41 puntos.
Nangulo sa pilderong Petrogas mao si Glenn Cabiluna sa iyang 30 puntos, gisundan ni Junel Nava nga miamot og 18 puntos.
Puntos matag usa
Heartvit (85) - Eleazar 25, Cabrera 21, Duran 20,Mata 8, Cabutihan 3, Noval 3, Solon 3, Satorre 2
Petrogas (72) - Navaja 18, Lanutan 8, Yu 6, C. Go 4, E. Go 2, Teson 2, Borromeo 2