Wala mausik ang kahago ni Sally Mae Siso sa University of San Carlos-South Campus dihang mikabkab og bulawan sa doubles ug silver sa singles event sa Agra Cup/Asian 14-and-under tennis series niadtong miaging adlaw didto sa Rizal Tennis Center.
Si Siso, uban ni Junica Martina Guba mipukan sa parisan nilang Theiviya Selvarajoo sa Thailand ug Louise Magaway sa Pilipinas, 61-63 aron pagdaog sa bulawan.
Napakyas hinuon si Siso pag-angkon og double victory dihang napilde kini ni Guba sa singles sa finals sud sa sunod-sunod nga sets.
Naangkon ni Guba ang bulawan pinaagi sa 6-1, 7-5 nga kadaugan batok ni Siso, kinsa gipaluyohan sa Dunlop ug Guardo Group of Company.