Bogo unang mo-host batok Mandaue
Ang dakbayan sa Bogo maoy mo-host sa 1st Cebu Inter-City Basketball Challenge nga gikatakdang buksan karong Nobiyembre 10 didto sa Don Celestino Martinez, Sr. Memorial Coliseum sa dakbayan sa Bogo.
Mao kini ang nauyonan sa mga opisyales gikan sa tagsa-tagsa ka mga dakbayan atol sa gipatawag nga press conference ni Lorenzo 'Chao' Sy kagahapon didto sa Hotel Fortuna sa dalan Borromeo, ning siyudad.
Ang Bogo manalipod sa ilang balwarte batok sa mauswagon nga
Gawas sa duha, mosalmot sab ang Toledo, LapuLapu, Carcar, Danao ug Cebu City nga adunay duha ka teams -- North ug South.
Ang mga siyudad sa Talisay ug Naga nga pulos sakop sa unang distrito sa lalawigan sa Sugbu dili moapil sa maong torneyo. Mibalibad ang Talisay kay kulang ang ilang pundo, samtang ang Naga nga bag-o pang nahimong siyudad naapikihan sa panahon.
Mitambong usab sa tigum si referee Jose 'Boy' Murillo, Glenn Bercede sa Mandaue, Larry Villanil ug Bernie Macan sa Lapu-Lapu, Danny Villagracia sa Cebu City, Joseph Lipon ug coach Hermes Sumalinog sa Bogo ug sila si Lorenzo Tabay ug Jiger Repollo sa Toledo.
Ang mga teams moduwa og double round robin ug ipaagi og "home and away" format diin ang top four teams moduwa og "best-of-three" series diin ang no. 1 ug no. 2 maoy makakuha og homecourt advantage batok sa no. 3 ug no. 4.
Ang team nga makakuha og maayong rekord sa semifinals makaangkon sab og homecourt advantage sa finals.
- Latest
- Trending
