Mapapanood ng mga Pinoy sa overseas ng live ang opening ng PBA sa TFC (The Filipino Channel).
Alas-4:00 ng hapon magsisimulang magsasahimpapawid ang TV coveror na ABC-5 ngunit alas-4:30 pa ng hapon ang opening ceremonies.
Bubuksan ng Magnolia Beverage, dating San Miguel Beer, at ng Air21 ang season sa kanilang alas-6:30 ng gabing sagupaan sa Araneta Coliseum.
Mapapanood ang inaasahang magarbong ceremonies at ang Magnolia-Air21 game sa Gulf states, US west coast, Chicago, New Jersey, New York, Hong Kong China, Singapore at Europe via TFC (The Filipino Channel).
Inaasahang magiging kuwela ang pambungad na programa dahil ang host ay ang dalawang komedyanteng sina Wally Bayola at Jose Manalo.
Bukod sa tradisyunal na parada ng mga teams, aabangan din ang mga naggagandahang muses ng bawat koponan kung saan isa na rito si Angel Locsin na magbibigay kulay para sa Beverage Masters.