Cebu Landmaster wala pabangbang
Giharos og daog sa Cebu Landmaster-Mandaue ang tulo nila ka duwa sa Mindanao pinaagi sa paglubong sa Holcim Pryce Pharma-MisOr sa iskor nga 62-48 sa nagpadayong aksiyon sa 2007 Mindanao Visayas Basketball Association (MVBA) Second Conference niadtong Domingo sa gabii didto sa Xavier University Gym sa Cagayan de Oro City.
Ang tropa ni coach Jun Tan mihimo og zone defense ngadto sa MisOr, kinsa wala na makakuha og puntos sa katapusang siyete minutos sa duwa. Katapusang naka-iskor ang MisOr sa iskor nga 48-55 kortesiya ni Nathaniel Cruz.
Gikan niadto, nalansang ug wala na moirog pa ang ilang iskor hangtod nga nahurot ang oras sa ilang duwa.
Ang Cebu Landmaster ni Mayor Jonas Cortes ug realtor Joe Soberano maoy midominar sa duwa ug kanunay kining mo-abante og 17 puntos sa second quarter. Ang katapusan sa iskor nga 37-20.
Sa third quarter, mikunhod ang labaw sa Landmaster ngadto na lang sa sayes puntos, 39-33 human mi-rally ang MisOr ni MVBA chairman Gov. Oscar Moreno ug coach Bong Abad. Apan ang bisitang Landmaster milusad og 8-0 run aron pag-inat sa labaw sa iskor nga 47-33.
Sila si Mike Manigo ug Bong Marata nagkumboya og 24 puntos alang sa kadaugan sa Cebu Landmaster nga nagbitbit na karon og 5-1 win-loss record. Si Manigo mitali og 13 puntos, samtang si Marata miposa og 11 puntos.
Bugtong si Cruz lang ang mikulit og double digit sa habig sa MisOr sa iyang 17 puntos.
Ang 48 puntos nga nakab-ot sa MisOr maoy labing bag-ong kinagamyang iskor sa conference human sa 60 puntos nga nakuha Goldstar Hardware-backed Duterte Agilas-Davao niadtong Oktubre 5 batok gihapon sa Cebu Landmaster-Mandaue.
Tapuson sa MisOr ang ilang tulo ka duwa sa
Holcim Pryce-MisOr (48) - Cruz 17, Briones 9, Moreño 8, Viloria 4, Abadia 4, Nailon 3, Concha 2, Sevilla 1
- Latest
- Trending
