Mosamot na sab kaalegre ang Alegre Beach Resort sa Bogo nunot sa pagpahigayon sa fourth leg sa Speedo National Age Group Triathlon Series karong Agosto 26.
Gilauman nga ang pagpahigayon sa maong event makapabalik sa interes sa mga Sugbuanon sa maong matang sa paugnat sa kusog.
Ang mga partisipante molangoy og usa ka kilometro, 30 kilometer bike ug 7.5 kilometer run.
Molamas sa maong lumba mao ang two-man relay.
Ang registration fee nagkantidad og P350 labot na niini ang Speedo finisher's t-shirt ug breakfast, samtang ang late registrants mobayad og P400.
Ang Triathlon Association of the Philippines (TRAP)-registered athletes makakuha og 10 percent discount sa ilang entry fee ug 20 percent alang sa students ug senior citizens.
Ang registration forms makuha sa Speedo shops sa SM City-Cebu ug sa Ayala Center Cebu.
Alang sa dugang kasayoran, tawag lang sa Danao City Sports Commission office sa 200-1212 or 200-1818 or text 0905-2589301.