Ang YES Marketing-White misakmit og daog batok sa Suns-Orange sa iskor nga 73-59 sa pagsikad sa Sunrisers Basketball Club 2007 President's Cup Inter-color basketball tournament diha sa Sacred Heart Parish gym, ning siyudad.
Ang Suns-Orange mao kanunay ang naglabaw ug midominar sa duwa apan ang YES Marketing ubos sa paningkamot ni Rey Gabrines, kinsa miposa og dos puntos aron pag-ilog sa labaw, 71-69 sa labing unang higayon sa nahabiling 23 segundos sa regulasyon.
Si Ruel Sestoso, kinsa yano kaayong mipasulod sa sa iyang duha ka free throws maoy nagselyado sa kadaugan sa YES Marketing.
Sa laing duwa, ang Sunrisers-Green nakatilaw sab og daog pinaagi sa pagpukan sa Sunrisers-Blue sa iskor nga 79-63.