Presinto's Mabolo namundak telepono ipasusi sa CCPO

Ang Dewfoam-sponsored University of San Carlos (USC) ug ang Tinong’s Bakery Mandaue selection nipalayas sa ilang mga kaatbang aron pagkompleto sa four-team semifinal sa men’s division sa 1st M. Lhuillier Kwarta Padala Open Indoor Volleyball Tournament niadtong Domingo diha sa  University of Southern Philippines-Foundation (USP-F) gymnasium.

Ang Dewfoam-USC ni coach Eugene de la Cerna ug ni  Dewey Choachuy midaog batok sa Carcar Selection human nila giharos og daog  ang  tulo ka sets, 25-19, 25-13, 25-22 aron paghari sa men’s Bracket-A  bitbit ang 3-0.

Ang kadaugan sa USC maoy maisip nga unang regalo alang ni  team captain Roderick Arenasa, kinsa magsaulog sa iyang adlaw'ng natawhan karong adlawa.

Si Arenasa, niwaldas sa iyang makabungog nga serbisyo ug makapatay nga spikes nga maoy  gihimong hinagiban sa  kadaugan sa USC.

Si Carlo Tecson  nag-wild sab sa ikaduhang set aron pagkutlo og yanong kadaugan.

Ang Carolinians  wala mobati kaikag  sa bisitang   Carcar spikers aron pagdaog sa maong engkwentro.

Sa laing duwa, ang Tinong’s Bakery nagkinahanglan pa og upat ka sets una pa nila maangkon ang kutas nga kadaugan batok sa batan-ong Crunchicken-USP-F ni  coach Cecile Jotojot ug Benedict Chua.

Ang Tinong’s Bakery, gipangulohan sa managsuong Acojedo, nga  Julius ug Tata uban ni  Mark Simbajon, nga  maoy nagbahis sa nag-unang duha ka sets,  25-15, 31-29.

Apan ang  Crunchicken-USP-F wala mawagtangi og paglaum ug misurprisa sa Tinong’s Bakery pinaagi sa pagdaog sa third set, 27-25. Apan ang Tinong’s Bakery nga nigamit sa ilang kasinatian nakabawi sa ikaupat nga set, 25-21 aron pagtumba sa Crunchicken-USP-F.

Sunod nga harungon sa Tinong’s Bakery mao ang wala pay pilde sa men’s Bracket-B nga ML Cebu Dried Mango Delights-University of San Jose-Recoletos (USJ-R), samtang ang Dewfoam-USC makigtakos sa Team Liloanon sa laing semifinal match karong Sabado.

Ang mga mananaog maoy mag-abot sa  men’s championship ning maong  torneyo nga gitukod  sa M. Lhuillier Sports Development Foundation (MLSDF) ubos ni executive director Eddie B. Ybañez.

Ang kampiyonato himuon karong  Domingo  diha sa USP-F gym sa Lahug ning siyudad.