Ang UC-SWU showdown gitukod ubos sa pagpaluyo ni Lorenzo ''Chao'' Sy sa La Bakery uban sa pagtimbayayong sa Danao City Sports Council nga gipangulohan ni city councilor Oscar ''Boying'' Rodriguez.
Kahinumduman, ang UC-SWU nakadani og mga followers dihang nag-ilog kini sa ikatulong dapit sa Partner''s Cup sa miaging Marso diin ang Webmasters maoy nidaog sa iskor nga 69-63.
Matud pa ni Sy nga mo-promote siya og duha ka duwa didto sa Danao human sa engkuwentro sa UC ug SWU lakip na ang showdown tali sa Hotel Fortuna-backed University of San Jose-Recoletos (USJ-R) Jaguars ug sa Danao Selection karong Mayo 19.
Ang Danao Selection moparada nilang Michael Luga ug Jaysar Esperat sa University of the Visayas (UV) Lancers ug ni Reynan Capoy sa UC.
Gawas sa Danao, si Sy mo-sponsor sab og mga duwa sa Tabunok, Cordova, Lapu-Lapu City, Borbon ug Minglanilla.
Ang Webmasters dili pa makapahimulos ni 6-8 pivotman Junemar Fajardo kinsa nipaubos og knee surgery.