Cobras gilubong na sab sa Jaguars

Mipatigbabaw gihapon ang Hotel Fortuna-backed University of San Jose-Recoletos (USJ-R) Jaguars sa ilang pakigharong sa Southwestern University (SWU) Cobras pinaagi sa pagposte og 71-58 nga kadaugan atol sa ilang exhibition game didto sa Bogo, Cebu niadtong Domingo.

Ang Jaguars nga andam sa umaabot nga Cebu Schools Athletic Foundation, Inc. (CESAFI) season, nidominar sa maong duwa gikan sa pagsugod hangtod na sa pagkatapos sa regulasyon

Wala gihapon matay-i ang abilidad ug iyang gihatod ang Jaguars ngadto sa kadaugan pinaagi sa pagpupo og 16 puntos.

Sikit kaayo ang iskor paghuman sa first quarter diin nilabaw lang og uno punto ang Jaguars, 13-12. Sa kalisang nga maapsan, ang Jaguars mipabuhagay og mga puntos aron pag-inat sa labaw, 43-24 paghuman sa first half.

Hinuon, nabawsan kini sa Cobras sa ikatulong kuwarter pinaagi paglusad og 12-0 run aron pagkitkit sa labaw, 38-45 apan wala kini makatabang pagpadaog kanila gumikan kay wala man makaduwa sila si Alfred Belande, Gilbert Gallarde, James Cabahug ug Jaime Yap tungod sa mga kakulian sa ilang academic.

Tungod niini, sila si Chris Litorja, Mariano Canonigo, Eric Zanoria, Joseph Escober, Clifford Magaute ug Richard Giangchand maoy nahimong key players sa maong duwa.

Ang Bogo goodwill match gi-organize sa 2007 Bogo Fiesta Execom ubos ni Joseph Lepon uban sa pakig-alayon ni promoter Lorenzo Chao Sy, ang tag-iya sa La Fortuna Bakery.