Arthro milubong sa Tribals

Pabiling nagmangtas ang Arthro Kontra Arthritis pinaagi sa paglubong sa Tribals sa iskor nga 60-42 aron pagposte sa ikaupat nilang daog sa Basak San Nicolas Sitio Panaghiusa Fiesta Cup basketball tournament.

Ang Arthro ni businessman ug long-time sports patron Jonathan 'Atan' L. Guardo, igo lang nakabentaha og dos puntos sa unang kuwarter, 16-14, apan kalit lang kini milusad og 18-9 run sa ikaduhang kuwarter aron pagposte og 11 puntos nga labaw, 34-23.

Ang nagdilaab nga opensa sa Arthro maoy nakapatubo sa labaw ngadto na sa 18-puntos, 51-33 sa katapusang 10 minutos sa duwa. Gikan niadto wala na molingi pa ang Arthro hangtod nga nahurot ang oras sa ilang duwa.

Ang Arthro gipangulohan ni Richard Gubaton pinaagi sa pagposte og 16 puntos , samtang si Ryan Violango nga adunay 16 puntos maoy nangulo sa Tribals.