MLSDF-TCSC mohimo summer swimming clinic

Ang M. Lhuillier Sports Development Foundation (MLSDF) uban pag-abag sa Talisay City Sports Commission (TCSC) mopasiugda og summer swimming clinic nga gitakda karong Abril 10 didto sa Rafols Resort sa Brgy. Poblacion, Talisay City.

Ang maong proyekto nakab-ot atol sa ilang panagtigum nga gipangulohan ni MLSDF executive director Eddie B. Ybañez uban sa Talisay City sports executives nga gipangulohan ni councilor Rudy Cabigas sa miaging adlaw diha sa Eddie's Hotel.

Nitambong sab sa maong tigum mao si sports commission executive director Engr. Jenneth Villagonzalo, Talisay City Swimming and Life Saving Association (TCSALSAI) president Rolando Remolino ug vice president Alfie Fernandez.

Si Ybañez nagkanayon nga ang tumong sa maong kalihukan mao ang pagdiskubre og mga potensiyal swimmers sa Talisay.

Pagadumalaon sa TCSALSAI, ang MLSDF-Talisay City Summer Swimming Clinic bukas sa tanang aspiring swimmers mababaye o lalaki nga nagpangedaron og sayes hangtod sa 15-anyos.

Ang training pagahimuon sa 7:30 hangtod sa 9:00 sa buntag gikan sa adlaw'ng Lunes hangtod sa Sabado.

Alang sa dugang kasayoran mahimong motawag sa numero (032) 269-7141, (032) 272-2832, (032), 273-4945 or call/text 0918-6822071 ug 0910-5525145.