Cebu Sinulog Marathon gitakdang mosikad sa Pebrero 18

Ang Cebu Sinulog Marathon gikatakdang mosikad karong Pebrero 18, diin anha kini manukad sa Plaza Independencia paingon na ngadto sa Mactan Island ug tapuson kini diha sa Cebu Provincial Capitol building grounds.

Mao kini ang unang marathon dinhi sa Sugbu sud na sa 17 ka tuig.

Sa miaging marathon, aduna lamang 16 sa 45 ka entries ang nakalahutay.

Kagahapon, kapin na sa 50 ka long distance runners ang nipadayag sa ilang partisipasyon lakip na niini ang First Cebu City ASEAN Fun Run champion Stella Mamac-Diaz sa Davao City.

Ang mga runners 18-anyos ug paubos gidid-an pagsalmot sa maong event, basi sa international standard.

Ang kampiyon sa men's division makabulsa og P15,000, ang second ug third placers molabni ug P10,000 ug P5,000.

Sa pikas bahin, ang makampiyon makabitbit og P10,000, ang second placer makadawat og P5,000, ang third placer mobira og P3,000.