2 pang Pinoy boxer nagningning

Nakahabol sina Brian Francisco at Rexon Flores sa mga boksingero ng bansa na kuminang sa taong 2006.

Kinuha nina Francisco at Flores ang mga bakan-teng WBO titles nang kanilang hiyain ang mga bisitang Thai boxers na ginanap nitong Sabado ng gabi sa Mandaluyong City Gym.

Lumabas ang pagka-beterano ng 25-anyos na si Francisco nang patau-bin ang 16-anyos na katunggali na si Phi-chitchok Singmannasak sa ikapitong round upang kunin ang bakanteng WBO Asia Pacific fly-weight title.

Hinamon ni Singman-nasak na makipagpalitan ng suntok, malugod na tinanggap ni Francisco ang hamon at sa ikaanim na round ay duguan na ang ilong ng batang Thai.

Nilapitan ni referee Bruce McTavish ang kampo ng Thai boxer upang malaman kung la-laban pa si Singman-nasak kahit bugbog sara-do sa Pinoy boxer, bagay na kanilang isinantabi.

Pero sa 1:03 ng seventh round ay nagde-sisyon na si McTavish na itigil na ang laban dahil hindi na ito nakakaganti sa malalakas na suntok na pinakakawalan ni Fran-cisco.

Sa murang edad ng Thai boxer ay kailangang protektahan ang kalusu-gan nito kung kaya’t nai-sulong ni Francisco ang malinis na karta sa 10-0 kasama ang pitong KO habang si Singmannasak ay tumanggap ng unang kabiguan matapos ang si-yam na sunod na tagumpay.

Hindi naman nagpa-huli si Flores na dinomina ang katunggaling si Wisan Sor Suchaya para sa unanimous decision na tagumpay at maibulsa ang WBO Interconti-nental light flyweight title.

Kontrolado ng 23 anyos na si Flores ang kabuuan ng 12 round pero matibay ang 25-anyos na si Suchaya upang hindi mauwi ang laban sa knockout.

Pero kumbinsido ang mga huradong sina Vir-gilio Garcia, Rodrigo Perez at Edwin Sese na hindi nakaporma ang Thai boxer sa ibinigay nilang magkakaparehas na 118-109 iskor.

Ang panalo ay pam-bawi ni Flores sa nabi-gong tangka sa WBO flyweight title nang matalo siya kay Omar Andres Narvaez nitong Agosto 5 sa Argentina at naisulong niya ang 17 panalo sa 24 laban.

Ito naman ang ikaapat na kabiguan ni Suchaya sa 13 laban.