Ang nasudnong koponan gipangulohan ni Southeast Asian Games (SEAG) gold medalist sa miaging tuig Ma. Marna Pabilore ug bronze medalist Mae Soriano nga nikabkab og bulawan matag usa human sa duha ka mga torneyo sa Italy.
Ang 26-anyos nga si Palobre mibuntog ni Liolita Palmina 9-1 sa 55-kgs women's kumite finals, samtang si Soriano nakahakot sab og bulawan human sa iyang 6-3 nga kadaugan batok ni Elisa Pabbozi sa Polic of Penitenziara sa 50kgs.
Duha ka adlaw sa wala pa ang Isernia Open nakaani sab og bulawan sila si Palobre ug Soriano sa gipahigayong Associazione Italiana Cultura Sports (AICS) Invitational Karate Championship didto gihapon sa Italy.
Lain sab nga nakahipos og bulawan mao ang 23rd SEAG bronze medalist nga si Junel Perana, nga yano kaayong misakmit og kadaugan dihang iyang gisirohan si Ivan Romano sa CATK Frosinone sa iskor nga 5-0 ubos sa 70 kgs. sa men's kumite finals, lain usab nga Seag medalist misuway si Bong Toribio unta paghipos og bulawan apan pakyas siya human mapilde ni Marco Pastore sa Police Napoli Central sa ilang 55kgs men's kumite finals aron pagtunol og bugtong silver sa Pilipinas. Si Bern Chu nitunol sab og bronze medal human sa iyang kaparotan batok ni Antonio Mariotti sa ASD Molise.