Ang DTCC nanghawod na sab human kini misakiyo og 11 gold, 10 silver ug 6 bronze medals nga na-match sa nakuha nilang gold medal sa miaging tuig.
Sila si SEA Games silver medalist Dearlie Gerodias ug John Errol Melencio, kinsa napilde sa first-timer gikan sa Bacolod sa premier standard grade A, nakabangon ug ning higayon nakakabkab kini og bulawan.
Sa iyang bahin, si Cebu City Sports Commission dancesport directress nga si Eleanor Hayco ug ang bag-o niyang kapares nga si Tom Ingan nidaog sab og bulawan sa senior A latin.
Sila si Hayco ug Ingan nakakuha sab og bronze sa latin special event 2.
Sila si Bernie Tumaron ug Miljane Camacho maoy naghari sa grade B's modern standard, samtang sila si Jimmy Noel ug Karla Fornolles maoy nanghawod sa latin class.
Midugang sab og bulawan sila si Anselmo Estillore ug Mae Lozada human sa ilang kadaugan sa grade D.
Lain pang nakakuha og medalya mao sila si Jefferson Pimentel ug Daine Xylene Balili ug Samson Orlanes ug Edel Mae Medelle.
Gidominar nilang Pimentel ug Balili ang latin ug ang modern standard discipline sa junior A class, samtang sila si Orlanes ug Medalle maoy nidominar sa junior C class.
Sila si Virginio Legarde ug Divina Llamosa ug Lourence Limosnero ug Princess Inocando nakahakot og gold ug silver sa juvenile ug youth C.
Ang upat nakakabkab og bulawan sa modern standard ug naka-silver sa latin.
Ang DTCC nakakuha sab og unom ka bronze medals ubos sa pagpangulo ni Joel ug Anna Madera, kinsa mihakot sa ilang medalya sa grade A modern standard.