Tribu Sugbu mo-host sa Davao

Paningkamotan sa Arthro/Kontra Arthritis and Skygo-backed-Tribu Sugbu nga makompleto ang lima ka sunod-sunod nga daog sa ilang pag-host sa bisitang Montaña Pawnshop-Davao sa National Basketball Conference (NBC) 2006 Spring National Cup karong alas-8:00 sa gabii diha sa Inayawan Sports Complex.

Human sa upat ka sunod-sunod nila nga daog, lakip na niini ang forfeiture sa Bacchus Energy Drink, ang Tribu Sugbu ganado kaayo sa ilang duwa batok sa Montaña.

Uban ang 5-3 win-loss record (20-4 sa kaugalingong balwarte), ang Tribu Sugbu ubos ni coach Al Solis aduna pay dakung purohan nga mopatong sa top two ug makalikay sa quarterfinals depende sa performances sa laing teams sa South. Ang labing layong matugpahan sa Tribu mao ang ikatulong dapit sa overall ug maluwas kini sa playoffs.

Sa maong duwa, ang Tribu Sugbu wala pa makasugat og dakung problema gikan sa pagbiya nilang Joseph Ronald Quiñahan ug Ronaldo Bucao nga mitapon ngadto sa PBL.

Si Mark Ababon, kinsa nipakita og maayong performance, ilabi na batok sa Pagadian Explorers nga ilang gipukan niadtong miaging semana, 82-80, maoy mogiya sa kaubanan niini sa pagpangatake unya sa Montaña Pawnshop.