DTCC manulong

Mogikan na karon ang Dancesport-Team Cebu City (DTCC) paingon sa kaulohan uban ang paglaum nga makasakmit og titulo sa duha ka managlahing kompetisyon.

Ugmang adlawa, ang mga pambato sa Cebu mo-compete sa finale sa DanceSport Council of the Philippines Incorporated (DSCPI) National Dancesport Championship didto sa Philsports Arena sa Pasig City.

Pagka sunod adlaw, ang Cebu bets mopakita'g aksiyon sa International DanceSport Federation (ISDF) Open, didto gihapon sa Pasig City.

Ang delegasyon gikatahong adunay 79 ka miyembro, apan dili tanan ang makasalmot sa IDSF Open tungod kay wala may juvenile ug junior divisions sa maong kompetisyon.