North vs. South sa 17th BEST final Cebu elim

Ang North ug South maoy magsangka sa final sa 17th Milo Basketball Efficiency and Scientific Training (BEST) Tournament Cebu elimination karong hapon diha sa Capitol Parish gym uban sa University of San Carlos North ug South squads nga magsangka sa usa'g usa sa duha ka dibisyon.

Apan bisan unsa pa ang mahitabo, ang kasaysayan anaa na sa mga kamot sa USC nga maoy unang tunghaan nga nag-abot sa championship matches sa Passerelle ug SBC categories.

Ang USC-North niabante sa passerelle division final human gipalagpot ang University of Cebu (UC), samtang ang USC-South nakasulod sa kampiyonato human gipilde ang Don Bosco College.

Sa SBP, ang USC North mipukan sa Sacred Heart School-Jesuit, samtang ang USC-South milampurnas sa DBC.