Mga bilyarista Pinoy

Usa ka magbabasa ning lindog mi-text kanako nga nagkanayon: "Hatagi ko sa listahan sa mga ngalan sa mga bilyaristang Pinoy. Salamat." -- 0906-9712xxx

Daghang salamat sa imong text. Daghan kaayong mga bilyaristang Pinoy ug lisod alang kanako ang paghatag nimo sa kompleto gyud nga talaan. Hinuon, duna koy nakuhang ubay-ubay nga ngalan nga tingali makahatag na nimo'g katagbawan. Kompletohon ta kini sa umaabot nga mga adlaw.

Nag-una sa akong listahan sila si Efren 'Bata' Reyes, Francisco 'Django' Bustamante, Alex 'The Lion' Pagulayan, Gande Valle, Lee Van Corteza, Antonio Gabica, Warren Kiamco, Antonio Lining, Jose Parica, Santos Sambajon ug Ramil Gallego. Nagsunod nila ang mga kamatang nila ni Johnson Vita, Edgar Acaba, Dennis Orcullo, Ronnie Alcano, Rodolfo 'Boy Samson' Luat ug Israel Rota.

Niining akong gipanghinganlan, ang nakasakmit og daghan nang mga titulo sa kampiyonato mao sila si Reyes, Bustamante, Pagulayan, Valle, Corteza, Gabica, Kiamco, Lining, Parica ug Sambajon. Si Gabica gituboy sa Hall of Fame niadtong 2003 a Corporate Billiards League (CBL). Sunod nga gituboy sa CBL ngadto sa Hawanan sa Kabantog mao si Vita. Sa laing bahin, si Alcano mao ang 2002 Azbilliards Rookie of the Year (ROY).

* * *

Dugang niini, anaa sila si Fidel Punzalan, Franklin Tolentino, Troy Danao, Ben Baay, Venancio Tanio, Chris Dayrit, Daniel dela Rosa, Frennie Reyes, Marlon Manalo, Al Ortega, Emil dela Paz, Allan Duloa, Julie Falcon, Godofredo Ducanes, Dario Hipolito, Florencio Banar, Jorge Dacer, Snooky Villanueva, Allan Cuartero, Ramon Mistica, Ricky Serna, Bernard Marbella, Jeffrey de Luna, Jimmy Acuna, Reynaldo Grande ug daghan pang uban.

Mahimo sab nga iapil na nato ning maong listahan ang Pinoy boxing icon nga si Manny 'Pacman' Pacquiao tungod kay may mga higayon man nga mosalga usab siya sa mga nasudnong torneyo sa bilyar kun dili kini mo-conflict sa iyang schedule. Mao usab ang basketbolista nga si Vergel Meneses.

* * *

Ipadayon nato ang pagtuki sa Glossary of Billiard Terms nga atong gikutlo gikan sa librong Billiards: The Official Rules and Records Book. Ania:

* Burst (Forty-one pocket billiards) -- Scoring a total of more than forty-one points.

Butt of cue (General) -- The larger end of a cue, opposite the tip.

Padayonon ta kini sa sunod higayon.

* * *

(Mga sugyot ug pakisayod? Text sa 0910-8105522)