Pacquiao No. 3 sa buong mundo

Dahilan sa kanyang mga panalo kina dating world champions Marco Antonio Barrera, Erik Morales at Oscar Larios ng Mexico, inilista ng isang boxing website si Filipino boxing icon Manny Pacquiao bilang No. 3 sa hanay ng mga pound-for-pound fighters.

Ayon kay G. Leon, publisher ng Boxing-talk.com, marami pang tatalunin ang 27-anyos na si Pacquiao sa mga susunod niyang laban.

"Pacquiao has a ton of options and as long as he continues to fight hungry, he’s going to be a tough guy for anyone to beat," wika ni Leon sa kakayahan ni Pacquiao.

Kasalukuyang nasa maigting na paghahanda si Pacquiao para sa kanilang "Grand Finale" ni Morales sa Nobyembre 18 sa Thomas & Mack Center sa Las Vegas, Nevada.

Sinabi ni Leon na marami pang mailalabas sa kanyang mga laban si Pacquiao.

"He’s still pretty much a one dimensional fighter, but that dimension still proves too much for the world’s best fighters to handle," sabi ni Leon sa dating kampeon ng WBC flyweight at IBF super bantamweight division.

Inupuan naman ni world junior welterweight champion Floyd May-weather ang No. 1 spot kasunod sina middle-weight Winky Wright (No. 2), Manny Pacquiao (No. 3), middleweight Jermaine Taylor (No. 4), light heavyweight Bernard Hopkins (No. 5), feather-weight Marco Antonio Barrera (No. 6), light heavyweight Joe Calzaghe (No. 7), welterweight Ricky Hatton (No. 8), welterweight Jose Luis Castillo (No. 9), lightweight Joel Casamayor (No. 10).

Ang iba pang nasa Top 20 ay sina Diego Corrales, Shane Mosley, Oscar Dela Hoya, Erik Morales, Rafael Marquez, Antonio Tarver, Corey Spinks, Vernon Forrest, Jorge Arce at Antonio Margarito. (Russell Cadayona)