Toring, Lapu-Lapu-RUT nidominar sa July edition

Dobleng selebrasyon ang nabira ni Orlan Toring diin siya ang iyang koponan Lapu-Lapu-RUT maoy nidominar sa July edition sa RECYCLE Cyling Series diha sa Mandaue City reclamation area.

Si Toring mao sab ang napiling Road Cyclist of the Month sa bulan sa Hulyo human nikolekta og kinatibuk-ang 100 puntos.

Gisundan kini sa iyang teammate nga si Haylin Bardaje nga nakahipos og 89 puntos aron pagpahiluna sa ikaduhang dapit sa overall, samtang si Xerox Lauron sa Velonauts maoy nitapos sa ikatulong dapit sa iyang 85 puntos.

Sa team overall classification, ang Lapu-Lapu-RUT nakatigom og 229 puntos gisundan usab kini sa Velonauts nga adunay 142 puntos.