Finals asinta ng Adamson

Sisikapin ng Adamson na maipanalo ang kanilang krusiyal na laban ngayon upang mapasabak sa San Sebastian para sa ikalawa at huling finals berth sa kanilang pakikipagsagupa sa Lyceum sa penultimate date ng semifinal round ng V-League na presinta ng Shakey’s sa Blue Eagles Gym.

Naseguro na ng Lady Falcons na makakaharap ng playoff para sa huling finals slot matapos na pabagsakin ang SSC spikers sa four sets noong nakaraang Miyerkules na nagbigay sa kaila ng 9-4 (win-loss) slate. Subalit kailangan pa nilang hintayin ang kalalabasan ng resulta ng kanilang final day match kung saan makakabangga nila ang Far Eastern U sa Lunes upang madetermina ang bubuo ng Final Four.

Bagamat nasa ikatlong puwesto, taglay ang 8-6 kartada nakaseguro rin ang Lady Stags ng apat na panalo sa semis, at mayroon pa silang tsansa na makapuwersa ng playoff para sa ikalawang championship berth kung mananalo sila sa FEU spikers na maglalapit sa kanila sa 5-of-8 incentive rule.