Henkel team, ipinalit ng Welcoat sa PBL!

Hindi pa rin pala lubusang iiwanan ng Welcoat ang PBL kahit na paakyat na sila sa PBA.

Magtatayo pa rin sila ng PBL team at yan ay ang Henkel team.

Hindi sa pintura ang negosyo ng Henkel kundi sa consumer products.

Si Caloy Garcia ang head coach nito at basically, ang line-up nito ay ay yung mga Rain Or Shine players na hindi makakaakyat sa PBA.

* * *

Yan ang mahirap sa nagbibigay ng pangako.

Sa nagbibigay ng malaking hamon at nakadeklara pa nationwide.

Ngayong na-out ang Ginebra sa All-Filipino at wala nang chance na mag-champion pa sila, tatakbo nga kaya ng nakahubo’t hubad sa Baywalk sa Roxas Boulevard si Mark Caguioa tulad nang inannounce niya bago mag-umpisa ang liga?

Maraming bading at mga matrona ang sumeryeso sa statement na yan ni Mark at ngayon, naghihintay na sila kung kailan at anong oras.

Tutuo yan... naghihintay na sila.

* * *

Ganda naman ng laro ng Miami at Dallas nung Lunes.

Biruin mong overtime na , tapos sa last 1.9 seconds na lang nagkaalaman.

NBA championship at its best talaga.

Pero kung papansinin mo, parang kakaunting Pinoy lang ang interesado sa finals nila noh?

Iba pa rin kung ang LA Lakers at si Kobe Bryant ang nasa finals.

* * *

Sa August 20 na gaganapin ang PBA drafting para sa mga rookies nila.

Kabilang sa aakyat ay sina LA Tenorio, Joseph Yeo, Arwind Santos, at Joe Devance.

Sa tingin ko, sigurado na ang apat na yan at ang di na lang alam eh kung saang team sila mapupunta.

Si LA Tenorio ang top pick ko para maging no.1 pick.

Kakaunti na ang magaling na guardia ngayon sa PBA at kung ako ang PBA team na pipili, hindi ko na pakakawalan yang si LA.

* * *

Kahit saan mapunta ang magaling sanang player na ito sa PBA, wala lang mangyayari sa team niya.

PBA records have it na ang mga players na hindi team-oriented eh nagiging liability lang sa kanyang team.

Evident na yan sa dalawang teams na pinaglaruan niya.