Si Motel maoy bugtong Cebuano player nga gisagop nga mahimong pambato sa RP team nga makiglahugay sa torneyo didto sa Singapore. Iyang ika-uban si multi-titled coach Jessica Jawad-Honoridez.
Ang makadaning abilidad nga gipakita ni Motel atol sa PNP Invitational Tournament didto sa Cotabato ug ning bag-o nga national selection maoy iyang taytayan pag-apil sa RP team.
Nikompleto sa lineup alang sa nasudnong koponan mao sila si Richard Gonzales, Henberd Ortalla, Rodel Valle ug Arlene Borja.
Nagkanayon si Honoridez nga dili siya mosalmot sa maong torneyo nga ipahigayon sa Singapore, apan kun kinahanglanon posibleng moduwa siya sama sa nahitabo sa Cotabato sa miaging buwan.
Ang RP squad mopakita'g aksiyon sa tanang events lakip na niini ang men's ug women's team, singles, doubles ug mixed doubles.