Mangulo sa mga delegasyon sa Palarong Pambansa mao ang defending champion National Capital Region (NCR), nga gipaabot usab nga makasugat og lig-on nga kaatbang gikan sa athletics powerhouse Western Visayas ug Southern Tagalog regions.
Ang Central Visayas, top five finisher sa overall team standing, dili usab magpaulahi ang Region VII bets nga gipaabot moladlad sab sa ilang tinagoang abilidad.
Ang Central Visayas delegation gilangkuban og 550 athletes ug officials bisan nakasugat kini'g financial problems.
Kawhaa'g-duha (22) ka events ang tigian sa elementary division ug 27 sa secondary event agi'g pagsugod sa Physical Education program sa Department of Education.
Sa laing bahin, si VP de Castro nikompirmar sa iyang pagdawat sa imbetasyon isip pinasidunggang dinapit ug mamumulong puli ni Presidente Gloria Macapagal-Arroyo, kinsa sa sayo pa nakadawat og sayo nga kasabotan nga mogawas kini sa nasud.
Uban ni VP de Castro mao sila si Naga City Mayor Jesse M. Robredo. DepEd VII director Carolino Mordeno nga maoy mangulo sa Central Visayas Region Athletic Association (CVIRAA) atol sa parada karong adlawa ug uban pang mga opisyales.