Cebu City Niños swimming team masaligon modaog

Katloa'g-walo ka swimmers nga gibahig gikan sa elementary ug secondary division ang morepresentar sa dakbayan sa Sugbu sa swimming competition didto sa Carlos P. Garcia Sports Complex Aquatic Center.

Sa 38 ka swimmers, 14 niini gikan ni coach Rolando Alvarez sa Cebu Blue Marlins ug kasagaran sa iyang mga swimmers molangoy ubos sa secondary level.

Bisan og dili solidong Blue Marlins ang line-up, si Alvarez nagsalig sa kooperasyon sa ubang mga coaches ug mga ginikanan.

Si Alvarez maoy modala sa secondary level, samtang si Rene Ferolino sa City Central School maoy usab ang modala sa elementary division.

Lahi sa miaging CVIRAA, ang kompetisyon karong tuiga magsubay og point system sama sa Palarong Pambansa.

Mga pambato sa Niños alang sa secondary level naglakip nilang Jeffrey Yana, Noel Cañeda, Michael David Vega, Matteus Ceasar Galo gikan sa Blue Marlins.

Sa pikas bahin, ang multi-titled nga si Diane Cañeda maoy top contender alang Niños.

Gipuno sab ni Alvarez sa ilang line-up sila si Jethro Ko ug Heisler Entote sa Sacred Heart School-Jesuits isip pambato alang sa elementary boys.