Sea Hawks at White Whales magpapasiklaban

Asahang magiging mainit ang aksiyon sa ikalawang bahagi ng swimming competition na gaganapin ngayon sa Emilio Aguinaldo College swimming pool kung saan inaasahang magpapasiklaban ang kasalukuyang leader na Dapitan Swimming Club at defending champion Manila Sea Hawks.

Ito na ang huling pagkakataon ng Sea Hawks para ipagtanggol ang kanilang overall title laban sa Dapitan White Whales na nangunguna sa taglay ng 22-golds, 21 silvers at 19 bronzes.

Nasa pangalawa ang Jose Abad Santos na may 20-8-5 gold-silver-bronze matapos mamayagpag sa natapos nang gymnastics competition kaya’t may tsansa ang Sea Hawks na makahabol.

Ang Seahawks na nasa ikatlong puwesto ay may 17-19-11 gold-silver-bronze medals at inaasahang kakamkam sila mula sa 40 gintong nakataya ngayon sa ikaapat na araw ng kompetisyon para sa kabataan na hatid ng Converse sa tulong ng PSC, PAGCOR, San Miguel Corporation, Super Ferry, Montanna Pawnshop, Globe Telecoms, Milo, Air21, IntrASports at Concept Movers. (CVOchoa)