Welcoat Paints pormal nang gidawat sa PBA

Pormal nang gidawat isip pinakabag-ong miyembro sa Philippine Basketball Association ang Welcoat Paintmasters atol sa gipahigayong panagtigum sa mga board sa liga didto sa usa ka restaurant sa El Pueblo didto sa Ortigas Center sa Pasig.

"Welcoat's application is up for formal approval and I don't see any hitches since they have accepted all the terms and conditions imposed on them by the league board," matud pang PBA commissioner Noli Eala.

Ang Shell ug Welcoat sa sayo pa, mipahibalo nang daan sa board pinaagi sa usa ka pormal nga suwat alang sa "franchise transfer deal" tali sa duha ka koponan.

Ang Welcoat nga gipanag-iya nila ni Raymund Yu ug Terry Que, magbayad og P13 milyones alang sa "entry fee" ug "equity contribution".