Una niyang isinukbit ang titulo sa naturang event noong 1999, ang nasabi ring taon ng bumandera siya sa World Pool Championships.
Ito ang kanyang ikalawang major na panalo mula ng sumailalim siya sa laser treatment na isinagawa ng dokotr na sina Jack Arroyo ng American Eye Center at Arnold Salud upang itama ang kanyang paningin.
Binokya din ng Filipino pool idol ang isa pang American na si Mike Sigel, 2-0 sa finals ng nakaraag 2005 International Pool Tour (ITP) 8-Ball shootout noong nakaraang Disyembre 2005 sa Orange Country Convention Center sa Orlando, Florida USA.
Ang panalo ng 51-anyos na mula sa Angeles City ay nagbulsa ng panibagong US$200,000 (humigit-kumulang P10 milyon) na sapat na para umangat sa 2006 Player Money List.
Si Reyes ang highest earner noong nakaraang taon sa kanyang total prize na $279,160 na naipon mula sa 15-torneong nilahukan kung saan pinangunahan nito ang Derby City Classic 9-ball, One-Pocket at Masters of Table.
Ang pagtumbok ni Reyes noong nagdaang taon ay ginambala ng kanyang malabong paningin na naging daan upang maagaw sa kanya ang overall title sa Asian 9-Ball Tour ni Yang Ching Shun ng Taiwan at nabigong umusad sa knockout round sa WPC.