RP riders humuli ng ginto; Cojuangco-Jaworski laglag sa kabayo

Buo ang kumpiyansa at malakas na puwersa ang ipinamalas ng Philippine equestrian team at masungkit ang gintong medalya sa 23rd SEA Games equestrian competition na ginanap sa Alabang Country Club Polo Field Ayala, Alabang.

Nagtulong-tulong sina equestrianne Mikee Cojuangco, Toni Leviste, Joker Arroyo at Jones Lanza at magreyna sa showjumping event at masungkit ang gintong medalya bagamat sa isang pag-ikot ni Cojuangco ay nalaglag ito sa kanyang sinaksayang kabayo na si Globe Platinum Leap of Faith na sumabit sa bakod.

Sa kabilang dako naman,natamo naman ng Thailand, kinabibilangan nina Dhewin Manathanya, Sira Konglapamnuay, Nagone Kamolsiri at Varat Ngowanbunpat, ang 16 penalties para sa ikalawang round.

Bago ang pagbagsak na ito ni Cojuangco-Jaworski, nagpalit ng kabayong sinasakyan ito.

 Nakapagtala ang Pilipinas ng kabuuang 13 faults para sa gold medal kasunod ang 24 faults ng Malaysia para sa silver medal at 44 ng Thailand para sa bronze medal. (Sarie Francisco)