Buwenamanong panalo sa Purefoods

Dala ang bagong pa-ngalang Chunkee Giants, isinubi ng Purefoods ang buwenamanong panalo sa opening game ng San Mig Coffee-PBA Fiesta Conference na nagbukas kahapon sa Araneta Coliseum.

Nakipagtulungan si James Yap sa kanilang import na si Marquin Chandler tungo sa 84-77 tagumpay ng Giants laban sa Red Bull Barako sa kaisa-isang laro kaha-pon.

Isang makulay na opening ceremonies ang nagbukas ng 2005-2006 season ng PBA kung saan kakaibang parada ng mga koponan ang natunghayan.

Tumapos si Chandler ng double-double sa kanyang 28-puntos at 26 rebounds para sa Pure-foods na sinegundahan ni Yap ng 23-puntos kasu-nod si Kerby Raymundo na may 15-puntos, 12 nito ay sa ikatlong quarter.

Sa debut game ng rookie na si Jondan Salvador, tumapos ito ng walong puntos ngunit mayroon itong pitong rebounds, dalawang assists at isang steal sa 37-minutong paglalaro.

Nasayang ang eks-plosibong paglalaro ni import Quemont Greer para sa Barakos na binig-yan niya ng 37-puntos at 15 rebounds gayundin ang 16-puntos ni Lordy Tugade bunga ng kani-lang kabiguan. (CVO)