Sinabi ni national coach Jumel Lorenzo na hangad ng mga national riders na makakuha ng hindi bababa sa anim sa 12-gold medals na paglalabanan sa mountain bike, track at road races.
"We’re committed to win at least six gold medals, two each from mountain bike, track and road races," ani Lorenzo sa lingguhang PSA Forum sa main function room ng Pantalan Res-taurant sa Manila.
Isang gold lamang ang nakuha ng mga cyclists sa Vietnam Games noong 2003 mula kay Eusebio Quinones sa 36 km. men’s cross country event bukod sa dalawang silver medals nina Victor Espiritu (39 km. individual time trial) at Warren Davadilla (160 km. massed start) habang may bronze naman si Alfie Catalan (51 km.criterium).
Magbabalik ang mga riders na ito na kasama sa 42-man RP team na supor-tado ng U-Freight Phils kung saan pangungunahan ni Quinones ang mountain bike riders, Davadilla sa road races at Catalan ang track cyclists. Sa Danao City, Cebu gaganapin ang mountain bike competitions habang sa Amoranto Velodrome at Tagaytay City ang venues ng track at road races, ayon sa pagkakasunod. Dahil nasa hometown advantage ang mga Pinoy riders, kumpi-yansa si Lorenzo na maku-kuha nila ang target na anim na golds.