Si CebuFA president Jonathan 'Maxi' Maximo miingon nga nakadesider siya sa paghimo sa QCU isip ilang core team pinasikad sa ilang niaging performance sa Aboitiz Cup sa miaging tuig ug sa 1st Cebu Amateur Football Cup National Invitational tournament sa miaging summer.
Adunay dakung kahigayonan ang Sugbu nga modaog gumikan kay ang NCR squad nga gibituonan og daghang national players dili man mosalmot.
"We are hopeful they will have a better performance this time with no NCR team since majority of its players are busy preparing for the SEAG and they can not complete a squad for the tournament," matud pa ni Maximo.
Ang Cebu naapil sa bracket A uban sa Iloilo, Rizal ug Iligan, samtang ang teams sa bracket B mao ang defending champion Davao, Zamboanga, Cagayan ug South Cotabato.
"We are looking at topping the bracket and hurdle Ilo-ilo and in the cross over avoid Davao to get through semifinals," sumala pang Maximo.
Ang mga sakop sa team ubos ni coach Richard Montayre mao sila si Iris Meca, Remyllyne Sheryll Melgar, Lady Maripette Ocampo, Janice Ann Dalisay, Cristina Fuentes, Medalyn Cena, Ma. Eleanor Rabaya, Kathrina Marie Bejec, Kristine Oplado, Ivy Jane Bungcasan, Julieta Rosos, Valerie Rafanan, Jan Vircille Salac, Marlou Solon, Elaine Jane Macasero, Rhodora Toledo ug Carmel Codina.