Makalapit sa Final Four asam ng Dolphins

Matapos makabangon sa dalawang sunod na kabiguan, nakabalik na sa winning track ang de-fending champion Philippine Christian University at hangad nilang maka-lapit sa Final Four sa pag-papatuloy ng kanilang pagtatanggol ng titulo sa NCAA seniors basketball tournament ngayon sa Cuneta Astrodome.

Sasagupain ngayon ng PCU Dolphins ang Jose Rizal University sa unang seniors game sa ala-1:00 ng hapon upang makasiguro ng playoff para sa huling slot sa Final Four.

Kasalukuyang nasa ikalawang posisyon ang Philippine Christian na may 7-2 kartada sa liku-ran ng nangungunang host Colegio de San Juan de Letran na may malinis na 9-0 record at halos nakakasiguro na ng puwesto sa Final Four.

Bagamat nagtagum-pay ang Dolphins sa kanilang unang pakikipagla-ban kontra sa Jose Rizal, kailangan nila ng ibayong pag-iingat dahil determinado ang Bombers na iahon ang kanilang kulelat na 2-7 kartada.

Sa ikalawang seniors game, nais naman ng Mapua Institute of Technology na patatagin ang kanilang kapit sa ikatlong puwesto sa pakikipag-harap sa College of St. Benilde sa alas-4:00 ng hapon.

Taglay ng MIT Cardi-nals ang 5-4 win-loss slate habang ang CSB Blazers ay kabilang sa three-way-tie sa 3-6 record kasama ang pahinga ngayong University of Perpetual Help System Dalta at San Sebastian College-Recoletos.

Sa kaisa-isang juniors game, maghaharap na-man ang JRU Light Bombers at ang PCU Baby Dolphins sa alas-11:30 ng umaga. (Ulat ni CVO)