Protesta ng DLSU dedesisyunan ngayon

Dedesisyunan ngayon ng Basketball Technical Committee ng UAAP ang inihaing protesta ng defending champion De La Salle University na lumasap ng malaking pagkatalo laban sa University of the East noong Linggo.

Nakatakdang magpupulong ngayon ang technical committee ng bas-ketball na pangungunahan ng committee chairman na si Ricky Palou ng Ateneo sa Casino Español sa may Kalaw.

Prinotesta ng La Salle ang isang goal interference at goal tending ni Elmer Espiritu sa ikatlong quarter ng kanilang 56-57 pagkatalo laban sa UE Red Warriors.

Bagamat magkapatid ang coach na naglaban sa larong ito -- si Franz Pumaren sa La Salle at Dindo Pumaren sa East -- nabahiran ng kontrobersiya ang kanilang laban.

Ayon sa technical committee head na si Romy Gueverra, sa ikatlong quarter pa nangyari ang mga naturang insidente at hindi na nakaa-pekto ang mga ito sa resulta ng laro.

Alas-12:00 ng tanghali nakatakda ang pagp-pulong para desisyunan kung kakatigan ang protesta ng La Salle o ib-basura ito ng technical committee.

Nagdesisyon ang La Salle na iprotesta ang laro na inihain ni Fr. Danny Jose, gabi ng Lunes, matapos rebisahin ang game tape na ayon kay La Salle coach Franz Pumaren ay malinaw na nagkaroon ng mga violations na hindi itinawag ng mga referees. (Ulat ni CVO)