May bago pa ba?

Headline: Tatlong referee ng PBA, pinatawag, iimbestigahan, kakastiguhin.

Yan ay dahil daw sa mga non-calls at kung anu-ano pang calls nung maglaban ang Shell at Talk N Text kamakailan.

Nagrereklamo ang Shell team dahil may mga very crucial calls na nakaapekto sa resulta ng laro.

Mga tawag na lubhang kaduda-duda at talagang naging turning point ng laro.

Ang tanong--sakali bang may umamin na mali ang tawag o sinadyang maging mali, mapapalitan pa ba ang casting sa finals? Mag-iiba pa ba ang resulta at posible bang magkaroon ng replay?

Sus, para naman kayong bago nang bago...

* * *

Ang finals ng Talk N Text at SMB ay siguradong papatok sa takilya.

Marami na rin naman kasing following ang dalawang yan at sa tingin ko, record box-office ang mangyayari diyan.

Bukod din kasi sa Ginebra eh yang dalawang yan ang may pinakamaraming fans ngayon sa PBA.

At lalong puputok yan sa takilya kapag nakalaro si Asi Taulava.

* * *

Hindi man lang daw na-raise sa meeting ng board of governors recently ang tungkol kay Asi Taulava at ang posibleng pagbabalik niya sa court.

Mismong yung taga Talk N Text daw ay hindi ito binuksang topic sa meeting.

While everybody else was waiting for the development tungkol sa issue na ito na very vital sa finals, walang nag-raise sa meeting.

Ibig sabihin, habang ang mga sportswriters  at ang mga basketball fans ay naghintay sa meeting na yun ng Board of Governors, ni hindi naman pala ito natalakay.

Eh minsan na nga lang silang mag-meeting, hindi pa na-raise yung issue.

Dalawa lang yan.

Isa, naniniwala ang lahat na hindi na ito kailangan desisyunan pa ng Board dahil siyempre, iniutos na ng korte ang pagbabalik sa aksyon ni Asi.

Pangalawa, ayaw talaga siyang palaruin ng mga taga-PBA.

Yun lang yun....

* * *

Kahit nawala na ang mga superstars sa team nila from last year's team, at kahit na halos puro bago na lang ang nasa team nila, nanalo pa rin ang San Beda Red Cubs sa NCAA juniors.

Astig talaga si Coach Ato Badolato.

Siyanga pala, naka-leave of absence ngayon ang Mapua Red Robins sa NCAA  juniors. Wala na kasing high school ang Mapua ngayon.

* * *

Para sa latest in showbiz and sports news, text lang kayo NAP ON sa 34822 para po yan sa Talk N Text at Smart subscribers.