2,000 lahok inaasahan sa JVC Open

Inaasahang aabot sa 2,000 player mark ang entry ng mga partisipante sa 2005 JVC Open Badminton Championships‚ na karamihan ay mula sa big 8 category competition ang inaasahang magpapalista na sa deadline ng registration ngayong alas-5 ng hapon.

Ayon sa organizing img, inaasahang libu-libong naglalaro na karamihan ay mula sa elite men’s doubles, ang nagkumpirma ng kanilang partisipasyon sa event, na pinakamahaba at pinaka-prestihiyosong badminton tournament sa bansa na nakatakda sa July 4 hangang 10 sa Glorietta Activity Center.

Ang registration fee ay P200 per single entry at P300 para sa players na lalahok ng 2 hanggang 3 events. Para sa ilang detalye tumawag o mag-text kina Joann sa 0918-5094845 o Agnes sa 0919-8353689; Nelson Asuncion (725-2568 o 0917-528-8970) o sa img sa 845-0162 (telefax). Pwede ring mag-email sa jenriquez@imgworld.com o bumisita sa kanilang web-site sa www.jvcbadminton.com.

At upang matugunan ang malaking bilang ng kasali at matiwasay na pagtatanghal ng ikalimang edisyon ng torneo, na suportado ng Alaska, Gosen, Rudy Project, Technomarine, Lactacyd, Pioneer, Akari, Tokyo Tokyo, Aktivade, The STAR, Pinoy Exchange, Ayala Center, Power Smash, Accel, 102.5 Klite, 89.9 Magic at Solar, magkakaroon ng serye ng qualifying rounds mula June 26 hanggang July 3 sa PowerSmash.