3 Pinoy pugs kakampanya sa Southeast Asian slugfest

Umalis ang fourman RP Alaxan FR Boxing team patungong Hanoi, Vietnam upang kumapanya sa 8th Southeast Asian Boxing Championships na magsisimula ngayon hanggang sa 23.

Ang koponan na iko-coach ni Elmer Pamisa,ay kinabibilangan nina lightflyweight Lhyven Salazar, flyweight Warlito Parrenas at bantamweight Joan Tipon.

Ang tatlong boksingero na ipinadala ng Pacific Heightssa Vietnam capital sa tulong ng Philippine Sports Commission, ay mapapasabak sa mga mahuhusay na boxers mula sa iba’t ibang bansa ng Southeast Asian region.

Ang kampanyang ito ng RP pugs ay bahagi ng build-up program ng Amateur Boxing Association of the Philippines (ABAP) para sa nalalapit na pagho-host ng bansa sa SEA Games sa Nebyembre.

Nanalo si Salazar noong 2003 China International ng silver medal sa kanyang weight division habang si Parrenas ay silver medalist sa 2003 Goa India Championships.

Si Tipon naman ay silver medalist sa 2003 Vietnam Southeast Asian Games.