US Open title handa ng bawiin nina Hewitt at Williams

NEW YORK--Nagba-banta ang mga serbisyo nina Lleyton Hewitt at Serena Williams na kap-wa handa na sila upang mabawi ang kani-kani-lang korona matapos na itala ang straight-set na panalo noong Miyerkules sa 17.8 million dollar U.S. Open.

Pinayukod ni Hewitt, nanalo noong 2001 ang South African na si Wayne Ferreira, 6-1, 7-5, 6-4 upang palawigin ang kanyang winning streak sa 11 matches.

Ginapi naman ng two-time Open champion na si Williams ang kapwa American na si Lindsay Lee-Waters, 6-4, 6-3 upang makarating sa third round ng pinalaking open women’s field. Si Williams ay nanalo dito sa kauna-unahang pagkakataon sa edad na 17 noong 1999 at naulit noong 2002.

Ipinagpatuloy ng 23-anyos na Australian na si Hewitt ang kanyang soli-dong paglalaro noong Miyerkules na naglagay sa kanya sa tatlong finals noong Agosto.

Haharapin ni Hewitt si Hicham Arazi ng Monaco na nanalo naman kay Kenneth Carlsen ng Den-mark, 6-4, 7-6 (7-5), 6-7 (7-9), 3-6, 6-3.

Sa iba pang laban sa women’s ang No. 17 na si Alicia Molik ng Australia ang naging ikalimang women’s seed na napa-talsik matapos na ma-upset ni Daniela Hantu-chova ng Slovakia, 6-4, 6-3.

Natabunan naman ng No. 2 na si Amelie Mau-resmo ng France ang 34 unforced errors at ang kanyang kabiguan sa first set upang makarating sa third round matapos na manalo sa iskor na 3-6, 6-2, 6-2 kontra kay Julia Vakulenko ng Ukraine.