Asian Mountain Bikefest sa Puerto Princesa

Magsasama-sama ang mga pinakamahuhusay na mountain bikers sa kontinente sa Puerto Princesa City sa Oktubre para sa Asian Moun-tain Bike championships.

Ang event na nakatakda sa Oktubre 7-10 ay co-organized ng Integrated Cycling Federation of the Philippines o PhilCycling at city government ng Puerto Princesa City na pinamumunuan ni Mayor Edward Hagedorn.

May 14 teams, kabilang ang Philippines, ang inaasahang magpapadala ng kanilang pangunahing cross-country at downhill riders sa championships na sa ikalawang taon ay iho-host ng bansa sa nakalipas na pitong taon. Ang Danao City ay naghost sa event noong 1997.

Inaasahang lalahok ang Japan, China, South Korea, Hong Kong, Indonesia, Malay-sia, Thailand, Singapore, Kazakshtan, India, Iran, Sri Lanka at Vietnam.

May apat na major events na paglalabanan-- men’s at women’s crosscountry at downhill.

Ang Asian Championships, sanction ng Union Cycliste Internationale sa pamamagitan ng Asian Cycling Confederation ay ang main event sa Philippine Cycling festival sa Oktubre.

Ang festival, ayon kay PhilCycling president Bert Lina ay kabilang sa first pure national cycling open kung saan ang kompetisyon ay sa road, track (velodrome) at mountain bike na gaganapin sa iba’t ibang venue.

Ang national open ay gaganapin sa Tagaytay City sa Oktubre 4 at 5, ang track events sa Amoranto Velodrome sa Quezon City sa Oktubre 2 at 3, road criterium sa Luneta sa Oktubre 3 at national mountain bike open sa Puerto Princesa sa Oktubre 6 at 7.

Bilang pampagana sa festival, magkakaroon din ng side event para sa mga celebrities at executives.