Pinoy jins humakot ng 30 medalya

Napanatili ng Petron Philip-pine taekwondo team ang malakas na international performance nang humakot ito ng 30 medalya, kabilang na ang apat sa katatapos na World Taekwondo Festival at 6th Korea Open championships sa Chungcheong, Korea.

Tatlong gradeschool girls, sina finweight Alyssa Bianca Bonifacio, bantamweight Abigail Punzal at welter Mariah Chryzl Pantua ang kumupit ng ginto bawat isa sa kyorugi (sparring) habang si Jeczerina Panotes naman ay nanalo ng gold sa senior men’s kyua foot event sa poomse (form).

Humakot din ng 8 silver at 18 bronze ang Pinoy sa torneong humatak ng jins mula sa 63 pang bansa.

Isang maningning na per-formance ang ipinamalas ng Petron RP squad na kumulekta din ng 32 medalya, kabilang na ang 9 golds sa World Hwarang Festival na ginanap noong nakaraang buwan sa Korea.