NSAs inimbitahan ni FG

Muling nakakita ng kakampi ang Philippine Sports Commission sa kanilang kampanya para sa suportang pinansiyal ng mga national athletes bilang preparasyon sa nalalapit na 2005 Southeast Asian Games sa katauhan ni First Gentleman Atty. Mike Arroyo.

Pinalawig ni Atty. Arroyo sa pamamagitan ni PSC Chairman Eric Bu-hain ang imbitasyon sa mga opisyales na sangkot sa National Sports Associations (NSAs) para sa isang luncheon meeting sa Biyernes, July 9 sa Century Seafood Restaurant sa Manila upang talakayin ang tungkol sa pagho-host ng bansa sa 23rd SEA Games sa susunod na taon.

"The First Gentleman has requested for the talks with various NSAs to discuss and assess the country’s chances of wresting the overall crown in the SEA Games," wika ni Buhain. "Atty. Arroyo wants to be appraised of what it would take to fully prepare and gear up our flag bearers for the games and has instructed the First Gentleman Founda-tion to assist and support the athletes’ training and preparation."

At sa nalalapit na get-together meeting, ino-obliga ang NSA na ibigay ang kani-kanilang respective gold medal haul projection sa SEAG at ipresinta rin ang kani-kanilang position na kinakailangan upang makamit ang inaasahang tagumpay.

Nauna ng idineklara ni Buhain na kailangan ng bansa na manalo ng tinatayang 120 gintong medalya upang makopo ang overall champion-ship sa 2005. Huling ini-host ng bansa ang nasabing Games noong 1991 kung saan bumagsak ang Philippines sa ikalawang puwesto na kinapos lang ng isang ginto sa likod ng Indonesia.