Team Cebu-City jins overall champ

Ginamit ng Team Cebu City ang lakas ng kanilang mahuhusay na junior women’s team at promising grade school squad upang igupo ang Negros Taekwondo Union para sa overall crown ng 2004 Samsung Best-of-the-Best Taekwondo Championships sa SM City-Cebu sa nakaraang linggo.

Namayani sina Arvina Pugoy, Maricielynda Balbona, Frauline Joy Coran at Richelle Dinolan na nanaig sa kanilang mga kalaban sa final ng kani-kanilang division upang makuha ang apat na gintong medalya sa siyam na hinakot ng TCC sa dalawang araw na kam-peonato na itinataguyod ng Samsung na ginaganap sa ilalim ng pamamahala ng Philippine Taekwondo Association.

Ang NTU ay may katulad ding 9 na gintong medalyang nakuha ngunit nakuha ng TCC jins ang overall title dahil mas marami silang silver at bronze medal na inani --7 at 12--kumpara sa 7 at 5 ayon sa pagkakasunod ng NTU.

Naghari si Pugoy sa flyweight class sa pamamagitan ng 6-4 win kontra kay Air Force 1 Lovely Dizon; humatak ng 2-1 tagumpay si Balbona kontra kay Janice Cabal-hug ng Lapu-Lapu sa kanilang bantamweight clash; naungusan naman ni Coran si Maricris Ejorcadas ng Tacloban , 5-1, sa featherweight division habang si Dinolan ay umiskor ng 5-1 kay Dyan Gudes ng Bohol sa kanilang middleweight bout.

Sa grade school girls‚ ang side of the tournament na inorganisa ng IMG, nakuha ng TCC ang two golds mula kina Julie Eve Dublin, na nanaig sa kanyang kakamping si Jesset Pagnanawon, 6-1, sa Group 4, habang si Hazel Cañezares ay nanaig naman kay Valen Khay Pabilario ng NTU, 6-5, sa Group 5 action.

Sa boys‚ category, ti-nalo ni Lord Jay Guia ang kakamping si Alderson Dublin, 3-2, sa Group 2, at dinaig naman ni Gerald Paglinawan si Kenneth Rapista ng Iloilo 6-1 sa Group 5.

Ibinigay naman ni lightweight Michael Angelo Realista ang unang gold para sa TCC sa pamama-gitan ng walkover win kay Jonathan Concepcion ng Pototan sa junior men’s division.