Pagiging paboritong team pinandigan ng UPHR-Atlas

LUCENA City, Quezon -- Muling pinanindigan ng University of Perpetual Help-Rizal ang kanilang reputasyon bilang isa sa mga paboritong koponan nang kanilang ipinoste ang 74-48 paglampaso sa Lyceum of Batangas kahapon para sa kanilang ikalawang sunod na pa-nalo at angkinin ang unang quarterfinals slot sa ginaganap na 58th National Students Basketball Championships sa Quezon Convention Center dito.

Umiskor sina Jon Refuerza at Vladimir Joe ng pinagsamang 31-puntos para trangkuhan ang Altas na nanalo sa Dagupan City based University of Luzon, 94-59 kamakalawa.

Ang NCR eliminations runner-up na UL ay magtatangkang walisin ang Group B sa pagharap nila sa Southern City College sa ganap na alas-3:30 ng hapon ngayon.

Ang SCC ay may tangan na 1-0 record matapos ang 92-69 tagumpay nito laban sa Lyceum noong Lunes.

Sa iba pang laro, pinataob naman ng host team Manuel S. Enverga University Foundation ang Our Lady of Lourdes, 86-62 habang inilampaso ng Angeles University Foun-dation ang Urios College, 80-55.

Sa women’s side naisubi ng Lyceum of the Philippines ang kanilang ikalawang sunod na tagumpay nang maltratuhin nito ang University of Luzon, 70-27.

Nagbuhos ang 17-anyos na si Christian Alcala ng 22-puntos kabilang ang 14 sa ikatlong yugto upang pangunahan ang Enverga U na uma-ngat sa 1-1 karta at napalakas ang tsansang makuha ang isa sa dalawang round-of-eight slots sa Group C.

Sa cross-over quarterfinal, makakasagupa ng AUF Great Danes at NCR Champion Maritime Institute ang dalawang koponang magmumula sa Group D na kasalukuyang pinangungunahan ng University of Manila na nagtagumpay kontra sa City College of Tugue-garao, 114-61. - (Ian Brion)