9th Milo Best Womens Volleyball League

Isang magandang panimula ang ibinigay ng defending Elementary champion Colegio San Agustin sa pagbubukas ng 9th Milo Best Women’s Volleyball League noong Linggo nang magposte ito ng dalawang panalo sa St. Benedict College courts.

Tinalo ng CSA ang Colegio de Sta. Rosa, 25-6, 25-11 bago naitala ang isa pang panalo via default kontra sa host St. Benedict College.

Nagwagi din ang defending high school titlist San Antonio de Padua College sa pani-mula ng two-level competition na inorganisa ng Best Center at itinataguyod ng Milo.

Ginapi ng San Antonio de Padua ang Assumption Antipolo, 25-15, 25-20 upang makisosyo sa liderato sa Group A kasama ang Colegio de Sta. Rosa, School of St. Anthony at St. James Academy.

Dinaig ng St. Anthony ang Our Lord’s Grace Montessori, 25-5, 25-9, iginupo ng St. James ang Assumption Antipolo, 25-6, 25-4 habang nag-walk over naman ang Sta. Rosa kontra sa Philippine Science High.