Delasin, Quirimit paparangalan

Ang status gap ang pader na naghihiwalay kina golfer Dorothy Delasin at cyclist Arnel Quirimit.

Ngunit sa gabi ng January 9 sa Manila Pavi-lion, magkakatabi sina Delasin at Quirimit.

Bilang recognition sa kani-kanilang tagumpay sa nagdaang taon, sina Delasin at Quirimit ay kabilang sa walong major awardees ng Philippine Sportswriters Association (PSA).

Pangungunahan nina Co-Athletes of the Year Manny Pacquiao at Christian Jan Suarez ang mga big achievers ng 2003 na paparangalan ng sports writing fraternity sa two-hour rites na ipapalabas sa NBN-4 at sponsored ng Red Bull at Agfa Colors at suportado ng Philippine Sports Commission (PSC), Philippine Olympic Committee (POC), Philippine Basketball Association (PBA), Manila Mayor Lito Atienza at San Miguel Corp.

Walang iba kundi ang First Couple na sina President Gloria Macapagal-Arroyo at First Gentleman Mike Arroyo ang guest of honor.

Samantala, ang mga invitations sa honorees at guests, kabilang ang mga gold medalists sa nakaraang 22nd Southeast Asian Games sa Vietnam, ay ipinamigay na.

Sa mga hindi makakatanggap ng imbitasyon, maaari nila itong makuha sa reception area sa grand ballroom ng venue sa gabi ng parangal. Ang attire ay strictly formal.

Si Delasin ay nagtagumpay sa mahirap na Magnolia course sa Mobile, Alabama habang si Quirimit ay nagkampeon sa nakaraang Air21 Tour Pilipinas.