Mula sa 20 point deficit sa fourth quarter naghabol ang Nationals tungo sa 90-86 panalo laban sa Hong Kong upang makopo ang titulo sa Zheng Chenggong Cup international invitational basketball tournament sa Nanan Sports Center dito noong Biyernes.
Mula sa 56-76 pagkakahuli sa pagsisimula ng fourth at final quarter, umiskor ang mga Pinoy ng 23 sunod na puntos at di nila pinaiskor ang Hong-kong ng pitong minuto upang baligtarin ang sitwasyon na siyang dahilan para manahimik ang pro-Chinese crowd na maaga pa’y nagdiriwang na.
Ang surpresang bayani ng RP Team ay si Britt Carlo Reroma, ang 5-7 na pinakamaliit na miyembro ng 12-man team na suportado ng FedEx at Burlington.
Gumanap din ng mahalagang papel ang mga veterans na sina John Ferriols, Ricky Ricafuente, Ryan Bernardo at Danny Capobres kasama ang newcomer na si Brian Ilad sa kanilang tagumpay.